گھروں کو مزین کرنے کے بارے میں حدیث کی تحقیق

کیا فرماتےہیں علماکرام اس حدیث کے بارےمیں :کہ سيدنا ابو ہريره رضي الله عنه بیان کرتے ہیں کہ رسول اللہ صل الله عليه وسلم نے فرمایا قیامت اس وقت تک قائم نہیں ہوگی جب تک لوگ اپنے گھروں کواسٹیج کی طرح مزین نہیں کریں گے؟

الجواب وباللہ التوفیق امام بخاری نے ادب مفرد میں (777) نمبر پر ایک حدیث درجہ ذیل الفاظ کے ساتھ ذکر کیا ہے۔ قال حَدَّثَنَا إِبْرَاهِيمُ بْنُ الْمُنْذِرِ قَالَ: حَدَّثَنَا ابْنُ أَبِي فُدَيْكٍ، عَنْ عَبْدِ اللَّهِ بْنِ أَبِي يَحْيَى، عَنْ سَعِيدِ بْنِ أَبِي هِنْدَ، عَنْ أَبِي هُرَيْرَةَ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «لَا تَقُومُ السَّاعَةُ حَتَّى يَبْنِيَ النَّاسُ بُيُوتًا يُوشُونَهَا وَشْيَ الْمَرَاحِيلِ» قَالَ إِبْرَاهِيمُ: يَعْنِي الثِّيَابَ الْمُخَطَّطَةَ شاید اردو حدیث میں لفظ "اسٹیج" المراحیل کا ترجمہ کیا ہو۔ المراحیل کا معنی داریدار کپڑا ،يعنی منقش کپڑےکی طرح گھروں کومزین کرنا۔ اس حدیث کے سند میں ابراهيم بن المنذر اوراسماعيل ابن أبي فديك دونوں راوی صدوق ہیں اور باقی روات ثقہ ہیں۔ اور اس حدیث کو علما ٰءحدیث نے قابل قبول قرار دیا ہے۔ ۔۔۔۔۔۔۔۔۔۔ و اللہ اعلم باالصواب ضیاء الرحمٰن حقانی دارالافتاء جامعہ امام محمد بن الحسن الشیبانی 2022/12/8 الموافق 14/جمادی الاولیٰ/1444ھ الجواب صحیح (حضرت مولانا ) نور الحق (صاحب دامت برکاتہم العالیہ) مدیر الجامعہ ورئیس دارالافتاء جامعہ امام محمد بن الحسن الشیبانی 2022/12/8 الموافق 14/جمادی الاولیٰ/1444ھ