حدیث من ‌صام ‌يومًا ‌من ‌رَجب، وصلّى ركعتين کی اسنادی حیثیت

سوال :-

کیا فرماتےہیں علماکرام اس حدیث کے بارےمیں :

جواب :-

الجواب: حامدًا ومصلیًا
اس حدیث کو امام ابن الجوزی رحمہ اللہ نے (الموضوعات) میں صفحہ نمبر (123) پر اس سند کے ساتھ ذکرفرمایا ہے'' قال حَدَّثَنَا أَبُو الْفَضْلِ أَحْمَدُ بْنُ مُحَمَّدِ بْنِ سَعِيدٍ حَدَّثَنَا أَبُو سُلَيْمَانَ الْجُرْجَانِيُّ حَدَّثَنَا حُجْرُ بْنُ هَاشِمٍ عَنْ عُثْمَانَ بْنِ عَطَاءٍ عَنْ أَبِيهِ عَنِ ابْنِ عَبَّاسٍ ''اور اس کے بارے میں فرماتے ہیں ''هَذَا حَدِيث مَوْضُوع عَلَى رَسُول الله صَلَّى اللَّهُ عَلَيْهِ وَسَلَّمَ أَكْثَر رُوَاته مَجَاهِيل، وعُثْمَان مَتْرُوك عِنْد الْمُحدثين''۔
اور عثمان بن عطاءکے بارے میں امام بخاری رحمہ اللہ نے( التاريخ الكبير) میں صفحہ نمبر(244)میں فرماتے ہیں'' لَيْسَ بذلك'' ۔
اور اس حدیث کوعلامہ ابن القیم رحمہ اللہ نے '' المنار المنيف في (الصحيح والضعيف)میں صفحہ نمبر(85) پر ذکرکرکے فرماتے ہیں ( كذبٌ مختلقٌ )،اور نورالدین الکنانی رحمہ اللہ نے (تنزيه الشريعة المرفوعة عن الأخبار الشنيعة الموضوعة )میں حدیث رقم (48) ذکر فرمایا ہے اورملاعلی القاری رحمہ اللہ نے(الأسرار المرفوعة في الأخبار الموضوعة المعروف بالموضوعات الكبرى) میں صفحہ نمبر (461) پر ذکرکركےفرماتےہیں''مَوْضُوع''،اور محمد الشوکانی نے (الفوائد المجموعة في الأحاديث الموضوعة)حدیث نمبر(105) پر ذکر کیاہے ۔
لہذا یہ حدیث موضوع ہے اس کی نسبت نبی ﷺ کی طرف صحیح نہیں ہے۔۔۔۔۔واللہ اعلم بالصواب
ضیاء الرحمن حقانی
دارالافتاء جامعہ امام محمد بن الحسن الشیبانی
2023/1/28 الموافق 5/رجب المرجب/1444ھ

الجواب صحیح
(حضرت مولانا ) نور الحق (صاحب دامت برکاتہم العالیہ)
مدیر الجامعہ ورئیس دارالافتاء جامعہ امام محمد بن الحسن الشیبانی
2023/1/28 الموافق 5/رجب المرجب/1444ھ