ایک مجلس کی تین طلاق کا شرعی حکم

سوال :-

کیافرماتے ہیں مفتیان کرام اس مسئلہ کے بارے میں کہ زید نے اپنی بیوی کو ایک ہی مجلس میں نو مرتبہ طلاق دی ہے ،اوریہ بھی کہا ہے کہ کسی کوبھیج کراپنا سامان جہیز واپس لے جاؤہمیں ہماراکمرہ خالی کرکےدو۔مذکورہ الفاظ وٹس اپ میں ریکارڈڈ وائس میسج کے زریعے تین چار اور لوگوں نے بھی سنے ہیں۔ایک ہی مجلس میں ایک ساتھ تین طلاق دینے سے کیا تین ہی واقع ہوگی یاایک طلاق واقع ہوگی؟اورمذکورہ صورت میں اگر زید کی بیوی زید کے پاس واپس آناچاہتی ہو یا زید اپنی بیوی کے ساتھ رجوع کرنا چاہتا ہوتواس کی کیا صورت ہوگی؟شریعت مطہرہ کی روشنی میں تفصیلی جواب دے کر ثواب دارین حاصل کریں۔المستفتیمؤمن خانٹوپی صوابی

جواب :-

الجواب باسم ملھم الصواب حامداًومصلیاً! صورت مسئولہ کے مطابق جب زید نے نومرتبہ اپنی بیوی کوطلاق دی ہے تو اُس کی بیوی حرمت مغلظہ کے ساتھ حرام ہوگئی ہے اب اس عورت سے رجوع کرنا جائز نہیں ہے۔ اب اِس عورت کے زید کے پاس واپس آنے کی صورت یہ ہوگی کہ یہ عورت اِس پہلے شوہر یعنی زید کی عدت گزار کرکسی دوسرے مرد سے نکاح کرے اوراُس سے ازدواجی تعلقات بھی قائم کرے۔پھراتفاق ایسا ہو جائے کہ وہ دوسراشوہرخود اپنی مرضی سے اِس عورت کو طلاق دیدے یااُس کا انتقال ہوجائے ،پھریہ عورت اُس دوسرے شوہر کی عدت بھی گزارے توعدت گزرنے کے بعد اس عورت کے لیے زید سے نکاح کرنا جائز ہوگا۔ قرآن ،حدیث،اجماع امت،علماء سلف وخلف،ائمہ اربعہ اورجمہورفقہائے کرام اورمحدثین کا مسلک یہ ہے کہ ایک مجلس میں تین طلاق دینے سے تین ہی واقع ہوتی ہیں ایک نہیں۔ ذیل کے سطور میں اس کےچندایک دلائل ملاحظہ ہوں: دلیل نمبر1:قرآن مجید میں ارشاد خداوندی ہے۔ الطَّلَاقُ مَرَّتَانِ فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ وَلَا يَحِلُّ لَكُمْ أَنْ تَأْخُذُوا مِمَّا آتَيْتُمُوهُنَّ شَيْئًا إِلَّا أَنْ يَخَافَا أَلَّا يُقِيمَا حُدُودَ اللَّهِ فَإِنْ خِفْتُمْ أَلَّا يُقِيمَا حُدُودَ اللَّهِ فَلَا جُنَاحَ عَلَيْهِمَا فِيمَا افْتَدَتْ بِهِ تِلْكَ حُدُودُ اللَّهِ فَلَا تَعْتَدُوهَا وَمَنْ يَتَعَدَّ حُدُودَ اللَّهِ فَأُولَئِكَ هُمُ الظَّالِمُونَ (229) فَإِنْ طَلَّقَهَا فَلَا تَحِلُّ لَهُ مِنْ بَعْدُ حَتَّى تَنْكِحَ زَوْجًا غَيْرَهُ فَإِنْ طَلَّقَهَا فَلَا جُنَاحَ عَلَيْهِمَا أَنْ يَتَرَاجَعَا إِنْ ظَنَّا أَنْ يُقِيمَا حُدُودَ اللَّهِ وَتِلْكَ حُدُودُ اللَّهِ يُبَيِّنُهَا لِقَوْمٍ يَعْلَمُونَ (230)۔ سورۃ البقرۃ،آیت :229۔230۔ اس آیت مبارکہ کے شان نزول میں تمام مفسرین نے یہ لکھا ہے کہ زمانہ جاہلیت میں طلاق دینے کی کوئی حدمقررنہیں تھی اور نہ ہی عدت کے دوران رجوع کرنے کی کوئی مقررہ حد تھی۔بعض لوگ اپنی بیویوں کو تنگ کرنے اور ستانے کی غرض سے طلاق دیتے تھے اور پھر عدت ختم ہونے سے پہلےپہلے دوبارہ رجوع کرلیا کرتے تھے۔اوراس طلاق دینے کی بھی کوئی حد ان کے ہاں مقرر نہیں تھی ، بیسیوں طلاقیں دینے کے بعد بھی وہ لوگ بیویوں کو تنگ کرنے کی غرض سے رجوع کرلیا کرتے تھے۔ان آیات میں اللہ تعالیٰ نے طلاق رجعی کی حدبندی فرمائی ہے " الطَّلَاقُ مَرَّتَانِ " کہ طلاق رجعی دو ہیں ۔ایک طلاق دینے کے بعد یا پھر دو طلاقیں دینے کے بعد شوہر کو رجوع کاحق حاصل ہے ۔پھراگلی آیت میں اللہ تعالیٰ کاارشاد ہے " فَإِنْ طَلَّقَهَا فَلَا تَحِلُّ لَهُ مِنْ بَعْدُ حَتَّى تَنْكِحَ زَوْجًا غَيْرَهُ "کہ دوطلاقیں دینے کے بعد اگر پھر طلاق دے دی یعنی تیسری طلاق دے دی تو اب یہ عورت اس وقت تک اس شخص کے لیے حلال نہیں جب تک کہ یہ عورت کسی دوسرے مرد سے نکاح نہ کرے،جس کی تفصیل اوپر بیان ہو چکی ہے۔ اس آیت مبارکہ سے صاف ظاہر ہے کہ تین طلاق دینے کے بعد بغیرحلالہ شرعیہ کے واپسی اوررجوع کا کوئی جواز نہیں ہے۔ لہٰذا اگر کسی شخص نے تین طلاقیں دیں،چاہے ایک ہی مجلس میں دیں یامتفرق مجالس میں،چاہے ایک ہی لفظ سے دیں یا الگ الگ الفاظ سے ، توتمام صورتوں میں تینوں طلاقیں واقع ہوکر بیوی حرمت مغلظہ کے ساتھ حرام ہوجائے گی۔ان ہی آیات مبارکہ سے مفسرین ، محدثین اورفقہائے کرام نے تین طلاقوں کے وقوع کااستنباط کیا ہے۔چندایک حوالہ جات ملاحظہ ہوں: 1۔جلیل القدرمحدث،امیرالمؤمنین فی الحدیث حضرت امام بخاریؒ نے اسی آیت مبارکہ کو مدنظر رکھتے ہوئے " بَابُ مَنْ جَوَّزَ طَلاَقَ الثَّلاَثِ "کاباب قائم کیا ہے۔ صحیح البخاری،دارالحضارۃ للنشروالتوزیع،الطبعۃ الثالثہ،1436ھ،ص:869۔ 2۔مفسرکبیرامام ابن جریرالطبریؒ(المتوفی:310ھ) فرماتے ہیں: حدثني المثنى قال، حدثنا سويد قال، أخبرنا ابن المبارك، عن يحيى بن بشر أنه سمع عكرمة يقول: الطلاق مرّتان بينهما رجعة، فإن بدا له أن يطلِّقها بعد هاتين فهي ثالثة، وإن طلقها ثلاثًا فقد حرمت عليه حتى تنكح زوجًا غيره. إنما اللاتي ذكرن في القرآن:" ولا يحلُّ لهن أن يكتمن ما خلق الله في أرحامهنّ إن كنّ يؤمنَّ بالله واليوم الآخر وبعولتهن أحقُّ بردهنَّ"، هي التي طلقت واحدة أو ثنتين، ثم كتمتْ حملها لكي تنجو من زوجها، فأما إذا بتَّ الثلاثَ التطليقات، فلا رجعة له عليها حتى تنكح زوجًا غيره.۔۔۔۔۔۔حدثنا محمد بن يحيى قال، أخبرنا عبد الأعلى قال، حدثنا سعيد، عن قتادة قال، كان أهل الجاهلية كان الرجل يطلِّق الثلاث والعشر وأكثر من ذلك، ثم يراجعُ ما كانت في العِّدة، فجعل الله حد الطلاق ثلاث تطليقات۔حدثنا بشر قال، حدثنا يزيد قال، حدثنا سعيد، عن قتادة قال، كان أهل الجاهلية يطلِّق أحدهم امرأته ثم يراجعها، لا حَّد في ذلك، هي امرأته ما راجعها في عدتها، فجعل الله حد ذلك يصير إلى ثلاثة قروء، وجعل حدَّ الطلاق ثلاث تطليقات.حدثني يونس قال، أخبرنا ابن وهب قال، قال ابن زيد في قوله:" الطلاق مرتان"، قال كان الطلاق- قبل أن يجعل الله الطلاق ثلاثًا- ليس له أمد يطلق الرجل امرأته مائة، ثم إن أراد أن يراجعها قبل أن تحلّ، كان ذلك له، وطلق رجلٌ امرأته، حتى إذا كادت أن تحلّ ارتجعها، ثم استأنفَ بها طلاقًا بعد ذلك ليضارّها بتركها، حتى إذا كان قبل انقضاء عدتها راجعها. وصنع ذلك مرارًا، فلما علم الله ذلك منه، جعل الطلاق ثلاثًا، مرتين، ثم بعد المرتين إمساك بمعروف، أو تسريح بإحسان.حدثني موسى قال، حدثنا عمرو قال، حدثنا أسباط، عن السدي:" الطلاق مرتان فإمساك بمعروف أو تسريح بإحسان"، أما قوله:" الطلاق مرتان"، فهو الميقات الذي يكون عليها فيه الرجعة.حدثنا هناد قال، حدثنا أبو الأحوص، عن سماك، عن عكرمة في قوله:" الطلاق مرّتان فإمساك بمعروف أو تسريح بإحسان" قال: إذا أراد الرجل أن يطلق امرأته فيطلقها تطليقتين، فإن أراد أن يراجعها كانت له عليها رجعة، فإن شاء طلقها أخرى، فلم تحلّ له حتى تنكح زوجًا غيره.قال أبو جعفر: فتأويل الآية على هذا الخبر الذي ذكرنا عدد الطلاق الذي لكم أيها الناس فيه على أزواجكم الرجعة إذا كن مدخولا بهن تطليقتان. ثم الواجب على من راجع منكم بعد التطليقتين، إمساكٌ بمعروف، أو تسريح بإحسان، لأنه لا رجعة له بعد التطليقتين إن سرحها فطلقها الثالثة.۔۔۔۔۔الخ تفسیرالطبری،مؤسسۃ الرسالۃ،الطبعۃ الاولیٰ،1420ھ،ج:4،ص:521،540۔ 3۔امام ابواسحاق الثعلبی ؒ (المتوفی:427ھ)فرماتے ہیں: وقال المفسّرون: معنى الآية الطلاق الذي يملك فيه الرجعة مرّتان فَإِمْساكٌ بِمَعْرُوفٍ أي عليه إمساك بمعروف أي يراجعها في التطليقة الثالثة أَوْ تَسْرِيحٌ بِإِحْسانٍ بعدها ولا يضارّها فإن طلقها واحدة أو ثنتين فهو أملك برجعتها ما دامت في العدّة، فإذا انقضت العدّة فهي أحق بنفسها، وجاز أن يراجعها عن تراض منهما بنكاح جديد، فإن طلّقها الثالثة بانت منه وكانت أحق بنفسها منه، ولا تحلّ له حَتَّى تَنْكِحَ زَوْجاً غَيْرَهُ. الکشف والبیان عن تفسیرالقرآن،داراحیاء التراث العربی،بیروت،الطبعۃ الاولیٰ،1422ھ،ج:2،ص:174۔ 4۔ابوالحسن علی بن احمد الواحدیؒ (المتوفی:468ھ)فرماتے ہیں: {الطلاق مرتان} كان طلاقُ الجاهلية غير محصورٍ بعددٍ فحصر الله الطلاق بثلاثٍ فذكر في هذه الآية طلقتين وذكر الثَّالثة في الآية الأخرى وهي قوله:{فَإِنْ طَلَّقَهَا فلا تحلُّ له من بعد} الآية وقيل: المعنى في الآية: الطَّلاق الذي يُملك فيه الرَّجعة مرَّتان{فإمساك بمعروف} يعني: إذا راجعها بعد الطَّلقتين فعليه إمساكٌ بما أمر الله تعالى {أو تسريحٌ بإحسان} وهو أَنْ يتركها حتى تَبِينَ بانقضاء العِدَّة ولا يراجعها ضراراً {وَلا يَحِلُّ لَكُمْ أَنْ تَأْخُذُوا مِمَّا آتَيْتُمُوهُنَّ شَيْئًا} لا يجوز للزَّوج أن يأخذ من امرأته شيئاً ممَّا أعطاها من المهر ليطلِّقها إلاَّ في الخُلع وهو قوله {إِلا أَنْ يخافا} أي: يعلما {أن لا يُقيما حدود الله} والمعنى: إنَّ المرأة إذا خافت أن تعصي الله في أمر زوجها بُغضاً له وخاف الزَّوج إذا لم تطعه امرأته أن يعتدي عليها حلَّ له أن يأخذ الفدية منها إذا دعت إلى ذلك {فإنْ خفتم} أيُّها الولاة والحكَّام {أن لا يقيما حدود الله} يعني: الزَّوجين {فَلا جُنَاحَ عَلَيْهِمَا فِيمَا افْتَدَتْ بِهِ} المرأة لا جُناح عليها فيما أعطته ولا على الرَّجل فيما أخذ {تلك حدود الله} يعني: ما حدَّه من شرائع الدِّين {فإن طلقها} يعني: الزوج المُطلِّق اثنتين {فلا تحلُّ له} المطلَّقة ثلاثاً {من بعد} أَيْ: من بعد التَّطليقة الثَّالثة {حتى تنكح زوجاً غيره} غير المُطلِّق (ويجامعها) {فإن طلقها} أَيْ: الزَّوج الثَّاني {فلا جناح عليهما أن يتراجعا} بنكاحٍ جديدٍ {إن ظنا} أَيْ: علما وأيقنا {أَنْ يقيما حدود الله} ما بيَّن الله من حقِّ أحدهما على الآخر۔۔۔۔الخ الوجیزفی تفسیرالکتاب العزیز،دارالقلم،دمشق،الطبعۃ الاولیٰ،1415ھ، ج:1،ص:170۔ 5۔مفسرشہیرابوعبداللہ القرطبیؒ (المتوفی:671ھ)فرماتے ہیں: قوله تعالى: (الطلاق مرتان فإمساك بمعروف أو تسريح بإحسان) فيه سبع مسائل: الأولى- قوله تعالى: (الطلاق مرتان) ثبت أن أهل الجاهلية لم يكن عندهم للطلاق عدد، وكانت عندهم العدة معلومة مقدرة، وكان هذا في أول الإسلام برهة، يطلق الرجل امرأته ما شاء من الطلاق، فإذا كادت تحل من طلاقه راجعها ما شاء، فقال رجل لامرأته على عهد النبي صلى الله عليه وسلم: لا آويك ولا أدعك تحلين، قالت: وكيف؟ قال: أطلقك فإذا دنا مضي عدتك راجعتك. فشكت المرأة ذلك إلى عائشة، فذكرت ذلك للنبي صلى الله عليه وسلم، فأنزل الله تعالى هذه الآية بيانا لعدد الطلاق الذي للمرء فيه أن يرتجع دون تجديد مهر وولي، ونسخ ما كانوا عليه.۔۔۔۔۔۔۔۔ قال علماؤنا: واتفق أئمة الفتوى على لزوم إيقاع الطلاق الثلاث في كلمة واحدة، وهو قول جمهور السلف،۔۔۔۔۔۔الخ الجامع لاحکام القرآن،دارالکتب المصریۃ،القاہرۃ،الطبعۃ الثانیۃ،1384ھ،ج:3،ص:126۔ 6۔قاضی ناصرالدین البیضاویؒ(المتوفی:685ھ)فرماتے ہیں: وقوله فإن طلقها متعلق بقوله: الطَّلاقُ مَرَّتانِ أو تفسير لقوله: أَوْ تَسْرِيحٌ بِإِحْسانٍ اعترض بينهما ذكر الخلع دلالة على أن الطلاق يقع مجاناً تارة وبعوض أخرى، والمعنى فإن طلقها بعد الثنتين. فَلا تَحِلُّ لَهُ مِنْ بَعْدُ من بعد ذلك الطلاق. حَتَّى تَنْكِحَ زَوْجاً غَيْرَهُ حتى تتزوج غيره، والنكاح يستند إلى كل منهما كالتزوج، وتعلق بظاهره من اقتصر على العقد كابن المسيب واتفق الجمهور على أنه لا بد من الإصابة لما روي: أن امرأة رفاعة قالت لرسول الله صلّى الله عليه وسلّم: إن رفاعة طلقني فبت طلاقي، وإن عبد الرحمن بن الزبير تزوجني وإن ما معه مثل هدبة الثوب. فقال رسول الله صلّى الله عليه وسلّم: أتريدين أن ترجعي إلى رفاعة؟ قالت: نعم، قال: لا حتى تذوقي عسيلته ويذوق عسيلتك. فالآية مطلقة قيدتها السنة، ويحتمل أن يفسر النكاح بالإصابة، ويكون العقد مستفاداً من لفظ الزوج. والحكمة في هذا الحكم الردع عن التسرع إلى الطلاق والعود إلى المطلقة ثلاثاً والرغبة فيها، والنكاح بشرط التحليل فاسد عند الأكثر. وجوزه أبو حنيفة مع الكراهة، وقد لعن رسول الله صلّى الله عليه وسلّم المحلل والمحلل له. فَإِنْ طَلَّقَها الزوج الثاني فَلا جُناحَ عَلَيْهِما أَنْ يَتَراجَعا أن يرجع كل من المرأة والزوج الأول إلى الآخر بالزواج، إِنْ ظَنَّا أَنْ يُقِيما حُدُودَ اللَّهِ إن كان في ظنهما أنهما يقيمان ما حده الله وشرعه من حقوق الزوجية، وتفسير الظن بالعلم هاهنا غير سديد لأن عواقب الأمور غيب تظن ولا تعلم، ولأنه لا يقال علمت أن يقوم زيد لأن أن الناصبة للتوقع وهو ينافي العلم. وَتِلْكَ حُدُودُ اللَّهِ أي الأحكام المذكورة. يُبَيِّنُها لِقَوْمٍ يَعْلَمُونَ يفهمون ويعلمون بمقتضى العلم. انوارالتنزیل واسرارالتاویل،داراحیاء التراث العربی،بیروت،الطبعۃ الاولیٰ،1418ھ،ج:1،ص:142۔ اشکال:ایک مجلس کی تین طلاقوں کو ایک ہی طلاق شمارکرنے والے حضرات اس آیت کریمہ کے بارے میں کہتے ہیں کہ یہاں "مرتٰن"کامعنی ہے"مرۃ بعدمرۃ"یعنی یکے بعد دیگرے ،ایک کے بعد دوسرا۔اس کا تقاضا یہ ہوا کہ طلاق کی مجلسیں الگ الگ ہوں۔لہٰذا ایک ہی مجلس کی دوطلاقوں کا اس آیت کریمہ سے کوئی تعلق نہیں ہے۔ جواب:اس آیت کریمہ میں "مرتٰن"کامعنی یکے بعد دیگرے کا نہیں بلکہ"اثنان"یعنی دو کےمعنی میں ہے،کیونکہ "مرتٰن" کو دو کے معنی میں لینا اس آیت مبارکہ کے شان نزول کے زیادہ موافق ہے۔قرآن کریم میں کئی ایک مقامات پر"مرتٰن"کالفظ دو کے معنی میں استعمال ہوا ہے ۔سورۃ الاحزاب میں ارشاد ربانی ہے : وَمَنْ يَقْنُتْ مِنْكُنَّ لِلَّهِ وَرَسُولِهِ وَتَعْمَلْ صَالِحًا نُؤْتِهَا أَجْرَهَا مَرَّتَيْنِ وَأَعْتَدْنَا لَهَا رِزْقًا كَرِيمًا سورۃ الاحزاب،آیت :31 ترجمہ:اورجوکوئی تم میں اطاعت کرے اللہ کی اوراس کے رسول کی اورعمل کرے اچھے دیویں ہم اس کو اس کاثواب دو بار اور رکھی ہے ہم نے اس کے واسطے روزی عزت کی۔(تفسیرعثمانی) اسی طرح سورۃ القصص میں اللہ کریم کا فرمان مبارکہ ہے: أُولَئِكَ يُؤْتَوْنَ أَجْرَهُمْ مَرَّتَيْنِ بِمَا صَبَرُوا سورۃ القصص،آیت:54۔ ترجمہ:وہ لوگ پائیں گے اپناثواب دوہرااس بات پر کہ قائم رہے۔(تفسیرعثمانی) سورۃ التوبہ میں ارشاد ربانی ہے: أَوَلَا يَرَوْنَ أَنَّهُمْ يُفْتَنُونَ فِي كُلِّ عَامٍ مَرَّةً أَوْ مَرَّتَيْنِ ثُمَّ لَا يَتُوبُونَ وَلَا هُمْ يَذَّكَّرُونَ ۔ سورۃ التوبہ،آیت:126۔ ترجمہ:کیا نہیں دیکھتے کہ وہ آزمائے جاتے ہیں ہربرس میں ایک بار یا دوبار پھر بھی توبہ نہیں کرتے اورنہ وہ نصیحت پکڑتے ہیں ۔ سورۃ بنی اسرائیل میں ارشاد باری تعالیٰ ہے: وَقَضَيْنَا إِلَى بَنِي إِسْرَائِيلَ فِي الْكِتَابِ لَتُفْسِدُنَّ فِي الْأَرْضِ مَرَّتَيْنِ وَلَتَعْلُنَّ عُلُوًّا كَبِيرًا۔ سورۃ بنی اسرائیل،آیت:04۔ ترجمہ:اور صاف کہہ سنایا ہم نے بنی اسرائیل کو کتاب میں کہ تم خرابی کروگے ملک میں دوبار اورسرکشی کروگے بڑی سرکشی ۔ اسی طرح احادیث مبارکہ میں بھی "مرتٰن"دو کے معنی میں استعمال ہوا ہے۔صحیح بخاری میں حضرت عبداللہ بن زید رضی اللہ عنہ کی روایت ہے: حَدَّثَنَا حُسَيْنُ بْنُ عِيسَى، قَالَ: حَدَّثَنَا يُونُسُ بْنُ مُحَمَّدٍ، قَالَ: حَدَّثَنَا فُلَيْحُ بْنُ سُلَيْمَانَ، عَنْ عَبْدِ اللَّهِ بْنِ أَبِي بَكْرِ بْنِ عَمْرِو بْنِ حَزْمٍ، عَنْ عَبَّادِ بْنِ تَمِيمٍ، عَنْ عَبْدِ اللَّهِ بْنِ زَيْدٍ أَنَّ النَّبِيَّ صَلَّى اللهُ عَلَيْهِ وَسَلَّمَ:تَوَضَّأَ مَرَّتَيْنِ مَرَّتَيْنِ۔ صحیح بخاری،دارطوق النجاۃ،الطبعۃ الاولیٰ،1422ھ،رقم الحدیث:158۔ اس روایت کامطلب یہ ہے کہ نبی کریم صلی اللہ علیہ وسلم نے اعضائے وضو کو ایک مجلس میں دو دوبار دھویا۔اگرفریق مخالف کے "مرتٰن"والامعنی مراد لیا جائے تو پھر اس روایت کا مطلب ہوگا کہ جناب نبی کریم صلی اللہ علیہ وسلم نے یکے بعد دیگرے دومجلسوں میں اعضائے وضو کودھویا جو کہ بالکل ہی غلط ہے۔لہٰذا ثابت ہوا کہ "مرتٰن" کامعنی دو ہے نہ کہ یکے بعد دیگرے۔ دلیل نمبر2:صحیح بخاری میں حضرت عائشہ صدیقہ رضی اللہ عنھا کی روایت ہے کہ: حَدَّثَنِي مُحَمَّدُ بْنُ بَشَّارٍ، حَدَّثَنَا يَحْيَى، عَنْ عُبَيْدِ اللَّهِ، قَالَ: حَدَّثَنِي القَاسِمُ بْنُ مُحَمَّدٍ، عَنْ عَائِشَةَ، أَنَّ رَجُلًا طَلَّقَ امْرَأَتَهُ ثَلاَثًا، فَتَزَوَّجَتْ فَطَلَّقَ، فَسُئِلَ النَّبِيُّ صَلَّى اللهُ عَلَيْهِ وَسَلَّمَ: أَتَحِلُّ لِلْأَوَّلِ؟ قَالَ:لاَ، حَتَّى يَذُوقَ عُسَيْلَتَهَا كَمَا ذَاقَ الأَوَّلُ۔ صحیح بخاری،دارطوق النجاۃ،الطبعۃ الاولیٰ،1422ھ،رقم الحدیث:5261۔ اس روایت میں " رَجُلًا طَلَّقَ امْرَأَتَهُ ثَلاَثًا "کاجملہ آیا ہے جس کاظاہریہی ہے کہ یہ تینوں طلاقیں ایک ہی مجلس میں دی گئیں تھیں۔ اوریہ بات ہماری نہیں بلکہ حافظ ابن حجرعسقلانی ؒکی ہے وہ فرماتے ہیں: قوله طلقها ثلاثا فإنه ظاهر في كونها مجموعة۔۔۔الخ فتح الباری،دارالمعرفۃ،بیروت،1379ھ،ج:9،ص:367۔ اوریہی وجہ ہے کہ حضرت امام بخاریؒ نے اس کو" بَابُ مَنْ أَجَازَ طَلاَقَ الثَّلاَثِ "کے تحت ذکر کیا ہے۔ شارح بخاری علامہ ابن بطال ؒ اس روایت کی تشریح میں فرماتے ہیں : اتفق أئمة الفتوى على لزوم إيقاع طلاق الثلاث فى كلمة واحدة، فإن ذلك عندهم مخالف للسنة، وهو قول جمهور السلف، والخلاف فى ذلك شذوذ، وإنما تعلق به أهل البدع، ومن لا يلتفت إليه لشذوذه۔۔۔الخ شرح ابن بطال،مکتبۃ الرشد،الریاض،الطبعۃ الثانیۃ،1423ھ،ج:7،ص:390۔ دلیل نمبر3:صحیح بخاری میں حضرت سہل بن سعد رضی اللہ عنہ کی ایک روایت میں حضرت عویمر عجلانی رضی اللہ عنہ کا واقعہ مذکور ہے۔اس واقعہ میں یہ صراحت موجود ہے کہ حضرت عویمرعجلانی رضی اللہ عنہ نے لعان سے فارغ ہونے کے بعد نبی کریم صلی اللہ علیہ وسلم کے حکم فرمانے سے پہلے ہی اپنی بیوی کو تین طلاقیں دے دیں۔روایت یہ ہے: حَدَّثَنَا عَبْدُ اللَّهِ بْنُ يُوسُفَ، أَخْبَرَنَا مَالِكٌ، عَنِ ابْنِ شِهَابٍ، أَنَّ سَهْلَ بْنَ سَعْدٍ السَّاعِدِيَّ، أَخْبَرَهُ: أَنَّ عُوَيْمِرًا العَجْلاَنِيَّ جَاءَ إِلَى عَاصِمِ بْنِ عَدِيٍّ الأَنْصَارِيِّ، فَقَالَ لَهُ: يَا عَاصِمُ، أَرَأَيْتَ رَجُلًا وَجَدَ مَعَ امْرَأَتِهِ رَجُلًا، أَيَقْتُلُهُ فَتَقْتُلُونَهُ، أَمْ كَيْفَ يَفْعَلُ؟ سَلْ لِي يَا عَاصِمُ عَنْ ذَلِكَ رَسُولَ اللَّهِ صَلَّى اللهُ عَلَيْهِ وَسَلَّمَ، فَسَأَلَ عَاصِمٌ عَنْ ذَلِكَ رَسُولَ اللَّهِ صَلَّى اللهُ عَلَيْهِ وَسَلَّمَ، فَكَرِهَ رَسُولُ اللَّهِ صَلَّى اللهُ عَلَيْهِ وَسَلَّمَ المَسَائِلَ وَعَابَهَا، حَتَّى كَبُرَ عَلَى عَاصِمٍ مَا سَمِعَ مِنْ رَسُولِ اللَّهِ صَلَّى اللهُ عَلَيْهِ وَسَلَّمَ، فَلَمَّا رَجَعَ عَاصِمٌ إِلَى أَهْلِهِ، جَاءَ عُوَيْمِرٌ فَقَالَ: يَا عَاصِمُ، مَاذَا قَالَ لَكَ رَسُولُ اللَّهِ صَلَّى اللهُ عَلَيْهِ وَسَلَّمَ؟ فَقَالَ عَاصِمٌ: لَمْ تَأْتِنِي بِخَيْرٍ، قَدْ كَرِهَ رَسُولُ اللَّهِ صَلَّى اللهُ عَلَيْهِ وَسَلَّمَ المَسْأَلَةَ الَّتِي سَأَلْتُهُ عَنْهَا، قَالَ عُوَيْمِرٌ: وَاللَّهِ لاَ أَنْتَهِي حَتَّى أَسْأَلَهُ عَنْهَا، فَأَقْبَلَ عُوَيْمِرٌ حَتَّى أَتَى رَسُولَ اللَّهِ صَلَّى اللهُ عَلَيْهِ وَسَلَّمَ وَسْطَ النَّاسِ، فَقَالَ: يَا رَسُولَ اللَّهِ أَرَأَيْتَ رَجُلًا وَجَدَ مَعَ امْرَأَتِهِ رَجُلًا، أَيَقْتُلُهُ فَتَقْتُلُونَهُ، أَمْ كَيْفَ يَفْعَلُ؟ فَقَالَ رَسُولُ اللَّهِ صَلَّى اللهُ عَلَيْهِ وَسَلَّمَ:قَدْ أَنْزَلَ اللَّهُ فِيكَ وَفِي صَاحِبَتِكَ، فَاذْهَبْ فَأْتِ بِهَاقَالَ سَهْلٌ: فَتَلاَعَنَا وَأَنَا مَعَ النَّاسِ عِنْدَ رَسُولِ اللَّهِ صَلَّى اللهُ عَلَيْهِ وَسَلَّمَ، فَلَمَّا فَرَغَا، قَالَ عُوَيْمِرٌ: كَذَبْتُ عَلَيْهَا يَا رَسُولَ اللَّهِ إِنْ أَمْسَكْتُهَا، فَطَلَّقَهَا ثَلاَثًا، قَبْلَ أَنْ يَأْمُرَهُ رَسُولُ اللَّهِ صَلَّى اللهُ عَلَيْهِ وَسَلَّمَ قَالَ ابْنُ شِهَابٍ:فَكَانَتْ تِلْكَ سُنَّةَ المُتَلاَعِنَيْنِ۔ صحیح بخاری،دارطوق النجاۃ،الطبعۃ الاولیٰ،1422ھ،رقم الحدیث:5259۔ اس روایت میں صاف ذکر ہے کہ " فَطَلَّقَهَا ثَلاَثًا، قَبْلَ أَنْ يَأْمُرَهُ رَسُولُ اللَّهِ صَلَّى اللهُ عَلَيْهِ وَسَلَّمَ "جس سے معلوم ہوا کہ ایک مجلس کی تین طلاقیں واقع ہوجاتی ہیں۔مزیدبرآں یہ کہ نبی کریم صلی اللہ علیہ وسلم نے اس عمل پر کوئی نکیر بھی نہیں فرمائی۔علامہ عینی ؒ فرماتے ہیں: (فَطلقهَا) وأمضاه رَسُول الله صلى الله عَلَيْهِ وَسلم، وَلم يُنكر عَلَيْهِ فَدلَّ على أَن من طلق ثَلَاثًا يَقع ثَلَاثًا. عمدۃ القاری،داراحیاء التراث العربی،بیروت،ج:20،ص:235۔ بلکہ شارح بخاری علامہ ابن بطال ؒ نے توصاف صراحت کی ہے کہ اگر تین طلاقوں کا واقع ہونا درست نہ ہوتا تونبی کریم صلی اللہ علیہ وسلم منع فرماتے۔فرماتے ہیں: وحجة الفقهاء فى جواز طلاق الثلاث فى كلمة قوله فى اللعان: فطلقها ثلاثا قبل أن يأمره رسول الله (صلى الله عليه وسلم) بذلك، وقبل أن يخبره أنها تطلق عليه باللعان، ولو كان ذلك محظورا عليه لنهاه رسول الله (صلى الله عليه وسلم) عن ذلك۔۔۔الخ شرح ابن بطال،مکتبۃ الرشد،الریاض،الطبعۃ الثانیۃ،1423ھ،ج:7،ص:393۔ اسی واقعہ سے متعلق سنن ابی داؤد کی ایک روایت میں یہ تصریح موجود ہے کہ خودنبی کریم صلی اللہ علیہ وسلم نے حضرت عویمر عجلانی رضی اللہ عنہ کے ان تین طلاقوں کو نافذ فرمایا۔روایت ملاحظہ ہو: حَدَّثَنَا أَحْمَدُ بْنُ عَمْرِو بْنِ السَّرْحِ، حَدَّثَنَا ابْنُ وَهْبٍ، عَنْ عِيَاضِ بْنِ عَبْدِ اللَّهِ الْفِهْرِيِّ، وَغَيْرِهِ عَنْ ابْنِ شِهَابٍ، عَنْ سَهْلِ بْنِ سَعْدٍ، فِي هَذَا الْخَبَرِ، قَالَ: فَطَلَّقَهَا ثَلَاثَ تَطْلِيقَاتٍ عِنْدَ رَسُولِ اللَّهِ صَلَّى اللهُ عَلَيْهِ وَسَلَّمَ، فَأَنْفَذَهُ رَسُولُ اللَّهِ صَلَّى اللهُ عَلَيْهِ وَسَلَّمَ، وَكَانَ مَا صُنِعَ عِنْدَ النَّبِيِّ صلّى الله عليه وسلم سُنَّةٌ، قَالَ سَهْلٌ: حَضَرْتُ هَذَا عِنْدَ رَسُولِ اللَّهِ صَلَّى اللهُ عَلَيْهِ وَسَلَّمَ، فَمَضَتِ السُّنَّةُ بَعْدُ فِي الْمُتَلَاعِنَيْنِ أَنْ يُفَرَّقَ بَيْنَهُمَا ثُمَّ لَا يَجْتَمِعَانِ أَبَدًا۔ سنن ابی داؤد،المکتبۃ العصریۃ،بیروت،رقم الحدیث:2250۔ اور یہ روایت سند کے اعتبار سے بھی صحیح ہے۔ علامہ ناصرالدین البانی نے بھی اس کی تصحیح کی ہے۔ دلیل نمبر4:صحیح مسلم میں حضرت عائشہ رضی اللہ عنہا کی ایک روایت ہے کہ: حَدَّثَنَا أَبُو بَكْرِ بْنُ أَبِي شَيْبَةَ، حَدَّثَنَا عَلِيُّ بْنُ مُسْهِرٍ، عَنْ عُبَيْدِ اللهِ بْنِ عُمَرَ، عَنِ الْقَاسِمِ بْنِ مُحَمَّدٍ، عَنْ عَائِشَةَ، قَالَتْ: طَلَّقَ رَجُلٌ امْرَأَتَهُ ثَلَاثًا، فَتَزَوَّجَهَا رَجُلٌ، ثُمَّ طَلَّقَهَا قَبْلَ أَنْ يَدْخُلَ بِهَا، فَأَرَادَ زَوْجُهَا الْأَوَّلُ أَنْ يَتَزَوَّجَهَا، فَسُئِلَ رَسُولُ اللهِ صَلَّى اللهُ عَلَيْهِ وَسَلَّمَ عَنْ ذَلِكَ، فَقَالَ:لَا، حَتَّى يَذُوقَ الْآخِرُ مِنْ عُسَيْلَتِهَا مَا ذَاقَ الْأَوَّلُ۔ صحیح مسلم،داراحیاء التراث العربی،بیروت، رقم الحدیث:1433۔ اس روایت کے الفاظ" طَلَّقَ رَجُلٌ امْرَأَتَهُ ثَلَاثًا "سے ظاہرا یہی معلوم ہوتا ہے کہ یہ تین طلاقیں اکھٹی تھیں۔اس روایت کی تشریح میں شراح مسلم نے یہ وضاحت کی ہے کہ مطلقہ ثلاثہ بغیر حلالہ شرعیہ کے زوج اول کے لیے حلال نہیں ہے۔فتح المنعم میں امام النووی کا قول ذکر کیا گیا ہے کہ: قال النووي: إن المطلقة ثلاثاً لا تحل لمطلقها حتى تنكح زوجاً غيره، ويطأها، ثم يفارقها، وتنقضي عدتها، فأما مجرد عقده عليها فلا يبيحها للأول، وبه قال جميع العلماء من الصحابة والتابعين فمن بعدهم۔۔۔۔الخ فتح المنعم،دارالشروق،الطبعۃ الاولیٰ،1423ھ،ج:5،ص:573۔ دلیل نمبر5:سنن نسائی میں محمودبن لبید کی ایک روایت میں آیا ہے کہ نبی کریم صلی اللہ علیہ وسلم کو بتایا گیا کہ ایک آدمی نے اپنی بیوی کو تین طلاقیں دی ہیں ۔یہ بات سن کرآپ صلی اللہ علیہ وسلم غصہ ہوئے اور فرمایا کہ میں موجود ہوں اور اللہ کی کتاب کے ساتھ کھیلا جا رہا ہے۔روایت یہ ہے: أخبرنا سليمان بن داود، عن ابن وهب، قال: أخبرني مخرمة، عن أبيه، قال: سمعت محمود بن لبيد، قال: أخبر رسول الله صلى الله عليه وسلم عن رجل طلق امرأته ثلاث تطليقات جميعا، فقام غضبانا ثم قال:أيلعب بكتاب الله وأنا بين أظهركم؟حتى قام رجل وقال: يا رسول الله، ألا أقتله؟ سنن نسائی،مکتب المطبوعات الاسلامیہ،حلب،الطبعۃ الثانیۃ،1406ھ،رقم الحدیث:3401۔ اس روایت سے صاف ظاہر ہے کہ تین طلاقیں واقع ہوگئیں تھیں،اور اسی وجہ سے نبی کریم صلی اللہ علیہ وسلم غصہ ہوگئے تھے۔ اور یہ بھی واضح تصریح ہے کہ یہ تینوں طلاقیں ایک ساتھ ایک ہی مجلس میں دی گئی تھیں۔ حافظ ابن حجرعسقلانی ؒ نے "بلوغ المرام"میں اس روایت کو نقل کرنے کے بعد فرمایا ہے کہ اس روایت کے تمام راوی ثقہ ہیں۔ فرماتے ہیں: وَعَنْ مَحْمُودِ بْنِ لَبِيدٍ قَالَ: أُخْبِرَ رَسُولُ اَللَّهِ صلى الله عليه وسلم عَنْ رَجُلٍ طَلَّقَ اِمْرَأَتَهُ ثَلَاثَ تَطْلِيقَاتٍ جَمِيعًا , فَقَامَ غَضْبَانَ ثُمَّ قَالَ: " أَيُلْعَبُ بِكِتَابِ اَللَّهِ تَعَالَى , وَأَنَا بَيْنَ أَظْهُرِكُمْ". حَتَّى قَامَ رَجُلٌ , فَقَالَ: يَا رَسُولَ اَللَّهِ! أَلَا أَقْتُلُهُ ؟ رَوَاهُ النَّسَائِيُّ وَرُوَاتُهُ مُوَثَّقُونَ۔ بلوغ المرام من ادلۃ الاحکام،داراطلس للنشروالتوزیع،الریاض،الطبعۃ الثالثۃ،1421ھ،الرقم:1072۔ حافظ ابن القیم ؒ نے "زادالمعاد"میں اس روایت کو صحیح علیٰ شرط مسلم قرار دیا ہے: قد تقدم حديث محمود بن لبيد رضي الله عنه:أن رسول الله صلى الله عليه وسلم أخبر عن رجل طلق امرأته ثلاث تطليقات جميعا، فقام مغضبا، ثم قال: أيلعب بكتاب الله وأنا بين أظهركم؟ وإسناده على شرط مسلم۔۔۔الخ زادالمعاد فی ھدی خیرالعباد،مؤسسۃ الرسالۃ،بیروت،الطبعۃ السابعۃ والعشرون،1415ھ،ج:5،ص:220۔ اس روایت کی سند پر یہ اعتراض کیا جاتا ہے کہ اس روایت کی سندمیں مخرمہ بن بکیر نامی ایک راوی اپنے والد سے نقل کرتے ہیں حالانکہ مخرمہ بن بکیر کا اپنے والد سے سماع ثابت نہیں۔اس اعتراض کا تفصیلی جواب حافظ ابن القیم ؒ نے دیا ہے ۔ہم ان ہی کے الفاظ میں نقل کرتے ہیں: فإن ابن وهب قد رواه عن مخرمة بن بكير بن الأشج، عن أبيه قال: سمعت محمود بن لبيد فذكره، ومخرمة ثقة بلا شك، وقد احتج مسلم في " صحيحه " بحديثه عن أبيه.والذين أعلوه قالوا: لم يسمع منه، وإنما هو كتاب. قال أبو طالب: سألت أحمد بن حنبل عن مخرمة بن بكير؟ فقال: هو ثقة، ولم يسمع من أبيه، إنما هو كتاب مخرمة، فنظر فيه، كل شيء يقول: بلغني عن سليمان بن يسار، فهو من كتاب مخرمة.وقال أبو بكر بن أبي خيثمة: سمعت يحيى بن معين يقول: مخرمة بن بكير وقع إليه كتاب أبيه، ولم يسمعه. وقال في رواية عباس الدوري: هو ضعيف، وحديثه عن أبيه كتاب، ولم يسمعه منه، وقال أبو داود: لم يسمع من أبيه إلا حديثا واحدا، حديث الوتر، وقال سعيد بن أبي مريم عن خاله موسى بن سلمة: أتيت مخرمة فقلت: حدثك أبوك؟ قال: لم أدرك أبي، ولكن هذه كتبه.والجواب عن هذا من وجهين.أحدهما: أن كتاب أبيه كان عنده محفوظا مضبوطا، فلا فرق في قيام الحجة بالحديث بين ما حدثه به، أو رآه في كتابه، بل الأخذ عن النسخة أحوط إذا تيقن الراوي أنها نسخة الشيخ بعينها، وهذه طريقة الصحابة والسلف، وقد كان رسول الله صلى الله عليه وسلم يبعث كتبه إلى الملوك، وتقوم عليهم بها الحجة، وكتب كتبه إلى عماله في بلاد الإسلام، فعملوا بها واحتجوا بها، ودفع الصديق كتاب رسول الله - صلى الله عليه وسلم - في الزكاة إلى أنس بن مالك، فحمله وعملت به الأمة، وكذلك كتابه إلى عمرو بن حزم في الصدقات الذي كان عند آل عمرو، ولم يزل السلف والخلف يحتجون بكتاب بعضهم إلى بعض، ويقول المكتوب إليه: كتب إلي فلان أن فلانا أخبره، ولو بطل الاحتجاج بالكتب لم يبق بأيدي الأمة إلا أيسر اليسير، فإن الاعتماد إنما هو على النسخ لا على الحفظ، والحفظ خوان، والنسخة لا تخون، ولا يحفظ في زمن من الأزمان المتقدمة أن أحدا من أهل العلم رد الاحتجاج بالكتاب، وقال: لم يشافهني به الكاتب، فلا أقبله، بل كلهم مجمعون على قبول الكتاب والعمل به إذا صح عنده أنه كتابه. الجواب الثاني: أن قول من قال: لم يسمع من أبيه معارض بقول من قال سمع منه، ومعه زيادة علم وإثبات، قال عبد الرحمن بن أبي حاتم: سئل أبي عن مخرمة بن بكير؟ فقال: صالح الحديث. قال: وقال ابن أبي أويس: وجدت في ظهر كتاب مالك: سألت مخرمة عما يحدث به عن أبيه سمعها من أبيه؟ فحلف لي: ورب هذه البنية يعني المسجد سمعت من أبي. وقال علي بن المديني: سمعت معن بن عيسى يقول: مخرمة سمع من أبيه، وعرض عليه ربيعة أشياء من رأي سليمان بن يسار، وقال علي: ولا أظن مخرمة سمع من أبيه كتاب سليمان، لعله سمع منه الشيء اليسير، ولم أجد أحدا بالمدينة يخبرني عن مخرمة بن بكير أنه كان يقول في شيء من حديثه: سمعت أبي، ومخرمة ثقة. انتهى. ويكفي أن مالكا أخذ كتابه، فنظر فيه واحتج به في " موطئه "، وكان يقول: حدثني مخرمة، وكان رجلا صالحا. وقال أبو حاتم: سألت إسماعيل بن أبي أويس، قلت: هذا الذي يقول مالك بن أنس: حدثني الثقة، من هو؟ قال: مخرمة بن بكير. وقيل لأحمد بن صالح المصري: كان مخرمة من ثقات الرجال؟ قال: نعم، وقال ابن عدي عن ابن وهب ومعن بن عيسى عن مخرمة: أحاديث حسان مستقيمة، وأرجو أنه لا بأس به. زادالمعاد فی ھدی خیرالعباد،مؤسسۃ الرسالۃ،بیروت،الطبعۃ السابعۃ والعشرون،1415ھ،ج:5،ص:220۔ دلیل نمبر6:سنن ابی داؤدمیں حضرت عبداللہ بن عباس رضی اللہ عنہ کا ایک واقعہ مذکور ہے کہ ایک آدمی حضرت ابن عباس رضی اللہ عنہ کے پاس آیا اورکہا کہ میں نے اپنی بیوی کو تین طلاقیں دی ہیں توحضرت ابن عباس رضی اللہ عنہ نے فرمایا کہ اب تیری بیوی تجھ سے جدا ہو چکی ہے۔روایت یوں ہے: حَدَّثَنَا حُمَيْدُ بْنُ مَسْعَدَةَ، حَدَّثَنَا إِسْمَاعِيلُ، أَخْبَرَنَا أَيُّوبُ، عَنْ عَبْدِ اللَّهِ بْنِ كَثِيرٍ، عَنْ مُجَاهِدٍ قَالَ: كُنْتُ عِنْدَ ابْنِ عَبَّاسٍ فَجَاءَهُ رَجُلٌ، فَقَالَ: إِنَّهُ طَلَّقَ امْرَأَتَهُ ثَلَاثًا، قَالَ: فَسَكَتَ حَتَّى ظَنَنْتُ أَنَّهُ رَادُّهَا إِلَيْهِ، ثُمَّ قَالَ: " يَنْطَلِقُ أَحَدُكُمْ، فَيَرْكَبُ الْحُمُوقَةَ ثُمَّ يَقُولُ يَا ابْنَ عَبَّاسٍ، يَا ابْنَ عَبَّاسٍ، وَإِنَّ اللَّهَ قَالَ:وَمَنْ يَتَّقِ اللَّهَ يَجْعَلْ لَهُ مَخْرَجًا، وَإِنَّكَ لَمْ تَتَّقِ اللَّهَ فَلَمْ أَجِدْ لَكَ مَخْرَجًا، عَصَيْتَ رَبَّكَ، وَبَانَتْ مِنْكَ امْرَأَتُكَ۔ سنن ابی داؤد،المکتبۃ العصریۃ،بیروت،رقم الحدیث:2197۔ اوریہ روایت بھی سنداً صحیح ہے، علامہ ناصرالدین البانی نے بھی اس روایت کی تصحیح کی ہے۔ دلیل نمبر7:امام دارقطنی نے حضرت حسن بن علی رضی اللہ عنہ کا واقعہ ذکر کیا ہے کہ ایک انہوں نے ایک خاص وجہ کے سبب اپنی بیوی حضرت عائشہ خثعمیہ کو طلاق دی تھی۔اس واقعہ کے آخر میں مذکور ہے کہ حضرت حسن بن علی رضی اللہ عنہ نے فرمایا کہ میں نے نبی کریم صلی اللہ علیہ وسلم سے سنا ہے کہ کہ جوشخص اپنی بیوی کوتین طلاق اس طرح دیدے کہ ہر طہرمیں ایک طلاق دے یاہرمہینہ کے شروع میں ایک طلاق دے یاتین طلاق ایک ساتھ دیدے توجب تک وہ عورت دوسرے مرد سے نکاح نہ کرے پہلے کے لیے حلال نہیں ہو سکتی۔ روایت یوں ہے: أخبرنا أبو الحسن علي بن أحمد بن عبدان أنا أحمد بن عبيد الصفار، نا إبراهيم بن محمد الواسطي، نا محمد بن حميد الرازي، نا سلمة بن الفضل، عن عمرو بن أبي قيس، عن إبراهيم بن عبد الأعلى، عن سويد بن غفلة قال: كانت عائشة الخثعمية عند الحسن بن علي رضي الله عنه، فلما قتل علي رضي الله عنه قالت: لتهنئك الخلافة، قال: بقتل علي تظهرين الشماتة اذهبي فأنت طالق، يعني ثلاثا قال: فتلفعت بثيابها وقعدت حتى قضت عدتها فبعث إليها ببقية بقيت لها من صداقها وعشرة آلاف صدقة، فلما جاءها الرسول قالت: متاع قليل من حبيب مفارق، فلما بلغه قولها بكى ثم قال: لولا أني سمعت جدي أو حدثني أبي أنه سمع جدي يقول: " أيما رجل طلق امرأته ثلاثا عند الأقراء أو ثلاثا مبهمة لم تحل له حتى تنكح زوجا غيره " لراجعتها ". السنن الکبریٰ،دارالکتب العلمیۃ،بیروت،الطبعۃالثالثہ،1424ھ،رقم الحدیث:14971۔ اس روایت سے معلوم ہوا کہ ایک ساتھ ایک ہی مجلس میں تین طلاق دینے کے بعد رجوع کرنا ایسا ہی حرام ہے جیسا کہ متفرق طور پر تین اطہار میں تین طلاقیں دینے کے بعد حرام ہے۔اگرایک ساتھ ایک ہی مجلس میں تین طلاق دینے کے بعد بھی رجوع کی کوئی امکانی صورت ہوتی توحضرت حسن بن علی رضی اللہ عنہ ضرور مراجعت فرما لیتے۔ اس روایت کو امام البیہقی ؒ نےبھی "السنن الکبریٰ"میں نقل کیا ہے۔ اس روایت پر ایک اعتراض ہے اور وہ یہ ہے: اعتراض: یہ روایت ضعیف ہے۔اس روایت کی سندمیں ایک راوی عمروبن ابی قیس الرازی ہے جو کہ "صدوق لہ اوھام"ہے ۔ امام ابوداؤدؒ نے فرمایا ہے کہ اس کی حدیث میں خطا ہوتی ہے۔اوردوسرا راوی سلمۃ بن فضل ہے جس کو ابن راہویہؒ نے ضعیف کہا ہے۔امام بخاریؒ نے کہا ہے کہ سلمۃ بن فضل کی حدیث میں مناکیر ہوتی ہے۔ابن معین ؒفرماتے ہیں کہ وہ شیعہ تھا ۔ جواب: مذکورہ اعتراض اصول حدیث کی رو سے کوئی وزن نہیں رکھتا،اور یہ روایت حسن کے درجے کی پھر بھی ہے۔عمروبن ابی قیس الرازی سے امام بخاریؒ تعلیقات میں روایت کرتے ہیں،اورامام ابوداؤدؒ،امام نسائیؒ اور امام ابن ماجہ ؒنےان سے احتجاج کیا ہے۔عبدالصمد بن عبدالعزیز المقریؒ فرماتے ہیں کہ "رے"کے کئی حضرات سفیان ثوری ؒ کے پاس گئے اوران سے سماعت حدیث کی درخواست کی توانہوں نے فرمایاکہ کیا تمہارے پاس عمروبن ابی قیس نہیں ہے؟امام ابوداؤد ؒنے بیشک فرمایا ہے کہ ان کی حدیث میں خطا ہوتی ہے مگردوسری جگہ خود امام ابوداؤدؒ نے اس کو"لاباس بہ"قرار دیا ہے ۔ابن حبانؒ اور ابن شاہینؒ نے ان کو ثقات میں شمار کیا ہے۔عثمان بن ابی شیبہؒ فرماتے ہیں کہ وہ "لاباس بہ" ہے ۔امام ابوبکرالبزارؒ فرماتے ہیں کہ وہ مستقیم الحدیث ہیں۔ تہذیب التہذیب،مطبعہ دائرۃ المعارف النظامیہ،الھند،الطبعۃ الاولیٰ،1326ھ،ج:8،ص:93۔ سلمۃ بن فضل پر بعض محدثین نے کلام کیا ہے لیکن ابن معینؒ ایک روایت میں ان کو ثقہ اورایک میں "لیس بہ باس"کہتے ہیں۔ ابن سعدؒ نے ان کو ثقہ اورصدوق کہا ہے۔ابن عدیؒ فرماتے ہیں کہ ان کی روایتوں میں غرائب اور تفردات تو ہیں لیکن میں نے ان کی کوئی حدیث ایسی نہیں دیکھی جوانکارکی حد تک پہنچتی ہو ان کی روایات متقارب اور قابل برداشت ہیں۔ابن حبانؒ نے ان کو ثقات میں شمارکیا ہے ۔امام ابوداؤدؒ نے ان کو ثقہ کہا ہے۔امام احمدؒ فرماتے ہیں کہ مجھے ان کے بارے میں خیر ہی معلوم ہے۔ تہذیب التہذیب،مطبعہ دائرۃ المعارف النظامیہ،الھند،الطبعۃ الاولیٰ،1326ھ،ج:4،ص:153۔ لہذامذکورہ تفصیل کو سامنے رکھ کر یہ بات واضح ہوجاتی ہے کہ ان کی روایت قابل قبول ہے اوربالخصوص جب اس کے توابع اورشواہد بھی موجود ہیں۔ دلیل نمبر8:امام البیہقی ؒ نے "السنن الکبریٰ"میں حضرت عبداللہ بن عمر رضی اللہ عنہ کا واقعہ ذکر کیا ہے کہ انہوں نے حالت حیض میں اپنی بیوی کو طلاق دی تھی۔۔۔الخ ۔واقعہ کےآخر میں ہے کہ حضرت ابن عمررضی اللہ عنہ نے نبی کریم صلی اللہ علیہ و سلم سے پوچھا کہ یا رسول اللہ!اگرمیں نے تین طلاقیں دی ہوتیں توکیا میرے لیے رجوع کرنا جائز ہوتا ؟تونبی کریم صلی اللہ علیہ و سلم نے ارشاد فرمایا کہ نہیں اس صورت میں آپ کی بیوی آپ سے جدا ہوجاتی اور تمہارا یہ فعل یعنی ایک ساتھ تین طلاقوں کا دینا گناہ ہوتا۔روایت یوں ہے: أخبرنا أبو عبد الله الحافظ، وأبو بكر أحمد بن الحسن قالا: نا أبو العباس محمد بن يعقوب نا أبو أمية الطرسوسي، نا معلى بن منصور الرازي، نا شعيب بن رزيق، أن عطاء الخراساني حدثهم، عن الحسن، نا عبد الله بن عمر، أنه طلق امرأته تطليقة وهي حائض ثم أراد أن يتبعها بتطليقتين أخراوين عند القرئين الباقيين فبلغ ذلك رسول الله صلى الله عليه وسلم،فقال: " يا ابن عمر ما هكذا أمر الله تبارك وتعالى إنك قد أخطأت السنة والسنة أن تستقبل الطهر فتطلق لكل قرء " قال: فأمرني رسول الله صلى الله عليه وسلم فراجعتها ثم قال لي: " إذا هي طهرت فطلق عند ذلك أو أمسك " فقلت: يا رسول الله أفرأيت لو أني طلقتها ثلاثا كان يحل لي أن أراجعها؟ قال: " لا كانت تبين منك وتكون معصية " ۔ السنن الکبریٰ،دارالکتب العلمیۃ،بیروت،الطبعۃ الثالثہ،1424ھ،رقم الحدیث:14955۔ اس روایت سے بھی معلوم ہوا کہ تین طلاق دینے کے بعد رجوع کی کوئی صورت باقی نہیں رہتی۔سند کے اعتبار سے بھی یہ روایت قابل قبول ہے۔اس روایت کے تمام راویان کی علامہ الذھبی ؒ نے "تذکرۃ الحفاظ"میں توثیق کی ہے۔بقول علامہ الذھبیؒ کے ابوعبداللہ الحافظ سے مراد امام حاکم ؒ ہیں جوکہ مشہورمحدث اورصاحب مستدرک ہیں۔ان کو علامہ الذھبیؒ نے الحافظ الکبیر اور امام المحدثین لکھا ہے۔ابوبکراحمد بن الحسن ؒ اور ابوالعباس محمد بن یعقوب ؒ دونوں کو الامام ،الثقہ اور محدث مشرق لکھا ہے۔ ابوامیہ طرطوسی ؒ کوعلامہ الذھبی ؒ نے الحافظ الکبیر لکھا ہے اورامام ابوبکرالخلال ؒ فرماتے ہیں کہ ابوامیہ فن حدیث کے امام اوربلند شان کے مالک تھے۔معلیٰ بن منصورؒ کو علامہ الذھبی ؒ الحافظ،الفقیہ اوراحدالاعلام لکھتے ہیں۔شعیب بن رزیقؒ کودارقطنی ؒ اور ابن حبان ؒ نے ثقات میں شمار کیا ہے ۔ابن حزم ؒ نے بیشک ان کو ضعیف کہا ہے مگربقول حافظ ابن حجر ؒ کے جرح وتعدیل میں ابن حزم ؒ نے فاحش قسم کی غلطیاں ہوئی ہیں جسکی زندہ جاوید مثال امام ترمذی ؒ پران کی جرح ہے۔ابن حزمؒ نے امام ترمذیؒ کومجہول کہا ہے۔اسی طرح فن حدیث کے مشہور امام ابوالقاسم البغویؒ پر بھی ابن حزم ؒ نے جرح کی ہے۔اس وجہ سے دیگرحضرات کی توثیق کے مقابلے میں ابن حزم ؒ کی جرح کا اعتبار مشکل ہے۔اور اگر بالفرض کوئی ضعف ہو بھی توجمہور کے تعامل سے یہ حدیث پھر بھی صحیح ثابت ہوگی۔یہی بات خود امام ابن حزم ؒ ہی کی ہے۔"توجیہ النظر"سے ابن حزم ؒ کی عبارت ملاحظہ ہو: وَإِذا ورد حَدِيث مُرْسل أَو فِي أحد ناقليه ضَعِيف فَوَجَدنَا ذَلِك الحَدِيث مجمعا على أَخذه وَالْقَوْل بِهِ علمنَا يَقِينا أَنه حَدِيث صَحِيح لَا شكّ فِيهِ توجیہ النظرالیٰ اصول الاثر،مکتبہ المطبوعات الاسلامیہ،حلب،الطبعۃ الاولیٰ،1416ھ،ج:1،ص:141۔ یہاں ایک اور شبہ کا ازالہ بھی ضروری ہے۔وہ شبہ یہ ہوسکتا ہے کہ شعیب بن رزیقؒ کو امام ابوالفتح ازدیؒ نے ضعیف کہا ہے۔لیکن یاد رہے کہ ابوالفتح ازدیؒ کے ضعیف کہنے کا کوئی اعتبار نہیں کیونکہ بقول علامہ الذھبیؒ کے ابوالفتح ازدیؒ خود متکلم فیہ ہے۔اسی طرح حافظ ابن حجر ؒ کے بقول ازدیؒ خودضعیف ہے اس وجہ سے اس سے ثقات کی تضعیف قبول نہیں کی جاسکتی۔عطاء الخراسانیؒ پر اگرچہ بعض علماء نے کلام کیا ہے مگر علامہ الذھبی ؒ نے ان کو کبارعلماء میں شمار کیا ہے۔امام احمدؒ،یحییٰ بن معینؒ اورمحدث عجلیؒ نے ان کوثقہ کہا ہے۔یعقوب بن شیبہ ؒ نے ان کو ثقہ اور معروف کہا ہے۔ابوحاتمؒ نے ان کو ثقہ اور قابل احتجاج کہا ہے۔دارقطنیؒ نے بھی ان کو ثقہ کہا ہے۔امام ترمذی ؒ نے ان کوثقہ اورامام نسائی ؒ نے لیس بہ باس کہا ہے۔امام مالک ؒ جیسے حضرات نے ان سے روایات لی ہیں۔ 1۔الثقات لابن حبان،دائرۃ المعارف العثمانیۃ،حیدرآباد،دکن،الطبعۃ الاولیٰ،1393ھ۔ 2۔تذکرۃ الحفاظ،دارالکتب العلمیہ،بیروت،الطبعۃ الاولیٰ،1419ھ۔ 3۔میزان الاعتدال،دارالمعرفۃ للطباعہ والنشر،بیروت،الطبعۃ الاولیٰ،1382ھ۔ 4۔تاریخ اسماء الثقات لابن شاہین،دارالسلفیہ ،الکویت،الطبعۃ الاولیٰ،1404ھ۔ دلیل نمبر9:امام ابن ماجہ ؒ نے حضرت فاطمۃ بنت قیس رضی اللہ عنھا کے طلاق کا واقعہ ذکر کیا ہے۔حضرت فاطمۃ بنت قیس رضی اللہ عنھا کے شوہر یمن میں تھے اور وہاں سے انہوں نے حضرت فاطمۃ بنت قیس رضی اللہ عنھا کوتین طلاقیں بھیج دیں، تو جناب نبی کریم صلی اللہ علیہ وسلم نے ان تینوں طلاقوں کے واقع ہونے کا فتویٰ دیا۔اس روایت سے خود امام ابن ماجہؒ نے بھی ایک مجلس کے تین طلاقوں کے وقوع پراستدلال کیا ہےاورامام ابن ماجہؒ نے "باب من طلق ثلاثا في مجلس واحد" کاباب قائم کرکے یہ روایت نقل کی ہے۔ روایت یہ ہے: حدثنا محمد بن رمح قال: أنبأنا الليث بن سعد، عن إسحاق بن أبي فروة، عن أبي الزناد، عن عامر الشعبي، قال: قلت لفاطمة بنت قيس: حدثيني عن طلاقك، قالت: طلقني زوجي ثلاثا، وهو خارج إلى اليمن، فأجاز ذلك رسول الله صلى الله عليه وسلم۔ سنن ابن ماجہ،داراحیاء الکتب العربی،رقم الحدیث:2024۔ یہ روایت سند کے اعتبار سے صحیح ہے اور علامہ ناصرالدین البانی نے بھی اس روایت کی تصحیح کی ہے۔ چند اشکالات کا ازالہ ایک مجلس کی تین طلاقوں کے حوالے سے چند روایات کو لے کر عموماً اشکالات پیدا ہوجایا کرتے ہیں۔ہمارے بعض بھائیوں نے ان ہی روایات کو بنیاد بنا کر یہ مؤقف اختیار کیا ہے کہ ایک مجلس کی تین طلاقیں تین نہیں بلکہ ایک ہوتی ہے۔اس وجہ سے مسئلہ کی نزاکت کی وجہ سے مناسب معلوم ہوتا ہے کہ اس غلط فہمی کا ازالہ کیا جائے۔ذیل کے سطور میں ان روایات اوران کی وضاحت کو بیان کیا جائے گا۔ اشکال نمبر1:صحیح مسلم میں حضرت عبداللہ بن عباس رضی اللہ عنہ کی ایک روایت ہے کہ نبی کریم صلی اللہ علیہ وسلم کے دور مبارک میں،جناب ابوبکر صدیق رضی اللہ عنہ کے دورخلافت میں اور جناب فاروق اعظم رضی اللہ عنہ کے دورخلافت کے ابتدائی دو سالوں میں تین طلاقیں ایک ہوا کرتی تھیں۔روایت یوں ہے: حَدَّثَنَا إِسْحَاقُ بْنُ إِبْرَاهِيمَ، وَمُحَمَّدُ بْنُ رَافِعٍ، وَاللَّفْظُ لِابْنِ رَافِعٍ، قَالَ إِسْحَاقُ: أَخْبَرَنَا، وَقَالَ ابْنُ رَافِعٍ:حَدَّثَنَا عَبْدُ الرَّزَّاقِ، أَخْبَرَنَا مَعْمَرٌ،عَنِ ابْنِ طَاوُسٍ،عَنْ أَبِيهِ،عَنِ ابْنِ عَبَّاسٍ،قَالَ:" كَانَ الطَّلَاقُ عَلَى عَهْدِ رَسُولِ اللهِ صَلَّى اللهُ عَلَيْهِ وَسَلَّمَ،وَأَبِي بَكْرٍ،وَسَنَتَيْنِ مِنْ خِلَافَةِ عُمَرَ،طَلَاقُ الثَّلَاثِ وَاحِدَةً،فَقَالَ عُمَرُ بْنُ الْخَطَّابِ: إِنَّ النَّاسَ قَدِ اسْتَعْجَلُوا فِي أَمْرٍ قَدْ كَانَتْ لَهُمْ فِيهِ أَنَاةٌ، فَلَوْ أَمْضَيْنَاهُ عَلَيْهِمْ، فَأَمْضَاهُ عَلَيْهِمْ۔ صحیح مسلم،داراحیاء التراث العربی،بیروت،رقم الحدیث:1472 جواب نمبر1: یہ روایت حضرت ابن عباس رضی اللہ عنہ کی ہے مگران کااپنا فتویٰ اس کے خلاف ہے اور جب راوی کااپناعمل اپنے ہی روایت کردہ روایت کے خلاف ہو تووہ روایت قابل قبول نہیں ہوا کرتی بلکہ یامؤول ہوتی ہے اوریامنسوخ۔امام البیہقی ؒ نے حضرت ابن عباس رضی اللہ عنہ کا فتویٰ یوں نقل کیا ہے: وأخبرنا أبو بكر بن الحارث، أنا علي بن عمر الحافظ، نا ابن صاعد، نا يعقوب بن إبراهيم الدورقي، نا عبد الرحمن، نا سفيان، عن عمرو بن مرة، عن سعيد بن جبير، عن ابن عباس رضي الله عنهما في رجل طلق امرأته ألفا قال: " أما ثلاث فتحرم عليك امرأتك وبقيتهن عليك وزر أتخذت آيات الله هزوا؟ " السنن الکبریٰ،دارالکتب العلمیۃ،بیروت،الطبعۃ الثالثہ،1424ھ،رقم الحدیث:14945۔ امام البیہقیؒ کے علاوہ امام دارقطنیؒ،امام طحاویؒ اور ابن ابی شیبہؒ نے بھی اس روایت کی تخریج کی ہے اور علامہ ناصرالدین البانی نے "ارواء الغلیل"میں اس کی تصحیح کی ہے۔ جواب نمبر2:حضرت طاؤس ؒ کے علاوہ حضرت ابن عباس رضی اللہ عنہ کے دیگر تمام شاگردوں مثلاً سعید بن جبیرؒ،عطاء بن ابی رباحؒ،مجاہدؒ،عکرمہؒ،عمروبن دینارؒ،مالک بن حارثؒ،محمدبن ایاسؒ اورمعاویہ بن ابی عیاش الانصاریؒ نے ابن عباس کا عمل یہی نقل کیا ہے کہ ابن عباس تین طلاقوں کے واقع ہونے ہی کا فتویٰ دیا کرتے تھے۔چنانچہ علامہ ابن عبدالبرؒ فرماتے ہیں: قال أبو عمر فهذا سعيد بن جبير ومجاهد وعطاء وعمرو بن دينار وغيرهم يروون عن بن عباس في طلاق الثلاث المجتمعات أنهن لازمات واقعاتوكذلك روى عنه محمد بن إياس بن البكير والنعمان بن أبي عياش الأنصاري في التي لم يدخل بها أن الثلاث المجتمعات تحرمها والواحدة تبينها۔۔۔الخ الاستذکار،دارالکتب العلمیہ،بیروت،الطبعۃ الاولیٰ،1421ھ،ج:6،ص:6۔ یہ مذکورہ روایت حضرت طاؤس ؒ کے حوالہ سے نقل کی جاتی ہے اورشراح حدیث نے صراحت کی ہے کہ یہ حضرت طاؤسؒ کا وہم ہے۔علامہ ابن عبدالبرؒ فرماتے ہیں: قال أبو عمر ما كان بن عباس ليخالف رسول الله صلى الله عليه وسلم والخليفتين إلى رأي نفسه ورواية طاوس وهم وغلط لم يعرج عليها أحد من فقهاء الأمصار بالحجاز والعراق والمغرب والمشرق والشام۔۔۔الخ الاستذکار،دارالکتب العلمیہ،بیروت،الطبعۃ الاولیٰ،1421ھ،ج:6،ص:6۔ جواب نمبر3:حضرت ابن عباس رضی اللہ عنہ کے اس روایت کامطلب یہ ہے کہ نبی کریم صلی اللہ علیہ وسلم کا زمانہ مبارکہ میں اگر کوئی شخص بیوی کو تین طلاق دیتا اور پھرکہتا کہ میں نےپہلا لفظ طلاق کے لیے کہا ہے اور دوسرااورتیسرالفظ طلاق کے لیے نہیں بلکہ صرف تاکید کے لیے کہا ہے تو اس کی تصدیق کی جاتی تھی کیونکہ خیرالقرون کازمانہ تھا اور سلامت صدر اور غلبہ صدق کی وجہ سے اس کی بات قبول کی جاتی تھی۔یہی حال جناب ابوبکر صدیق رضی اللہ عنہ کے دورخلافت میں بھی رہا ۔حضرت عمر فاروق رضی اللہ عنہ کے دورخلافت کے ابتدائی دو سالوں میں بھی یہی رہا۔پھرجب طلاق کے واقعات کثرت سے رونما ہونے لگے اور حضرت عمر فاروق رضی اللہ عنہ نے لوگوں میں صدق ودیانت کی کمی محسوس کی تو یہ اعلان فرمایا کہ آئندہ اگرکوئی شخص اس طرح تین طلاق دے گا توتاکیدوالی بات کااعتبار نہیں ہوگا اورقضاءً وہ تین طلاق ہی شمار ہوں گے۔محدث کبیرعلامہ خلیل احمد سہارنپوریؒ فرماتے ہیں: دعوى أنه ورد في صورة خاصة، فقال ابن سريج وغيره: يشبه أن يكون ورد في تكرير اللفظ كأن يقول: "أنت طالق، أنت طالق، أنت طالق"، وكانوا أولًا على سلامة صدورهم، يقبل منهم أنهم أرادوا التأكيد، فلما كثر الناس في زمن عمر، وكثر فيهم الخداع ونحوه مما يمنع قبول من ادعى التأكيد، حمل عمر اللفظ على ظاهر التكرار، فأمضاه عليهم.وهذا الجواب ارتضاه القرطبي وقوَّاه بقول عمر: "إن الناس استعجلوا في أمر كانت لهم فيه أناة"، وكذا قال النووي: إن هذا أصح الأجوبة. بذل المجہود،مرکزالشیخ للبحوث والدراسات الاسلامیہ،الہند،الطبعۃ الاولیٰ،1427ھ،ج:8،ص:155۔ جواب نمبر4:حضرت ابن عباس رضی اللہ عنہ کی مذکورہ روایت مطلق نہیں بلکہ غیرمدخول بہا کی قید کے ساتھ مقید ہے۔ غیر مدخول بہاایک ہی طلاق کے ساتھ جداہوجاتی ہے اوردوسری اورتیسری طلاق کاپھروہ محل ہی نہیں رہتی۔چنانچہ امام البیہقی ؒ نے عکرمہؒ،عطاءؒ،طاؤسؒ،جابربن زیدؒوغیرہ حضرات کے طریق سے حضرت ابن عباس رضی اللہ عنہ سے نقل کیا ہے: وقد أخبرنا أبو عبد الله الحافظ، وأبو محمد عبيد بن محمد بن مهدي القشيري لفظا قالا: نا أبو العباس محمد بن يعقوب، نا يحيى بن أبي طالب، أنا عبد الوهاب بن عطاء، أنا سعيد، عن قتادة، عن عكرمة، وعطاء، وطاوس، وجابر بن زيد، كلهم يرويه عن ابن عباس رضي الله عنه أنه قال: " هي واحدة بائنة يعني في الرجل يطلق زوجته ثلاثا قبل أن يدخل بها " فهذا يحتمل أن يكون المراد به إذا فرقهن فلا يكون مخالفا لما قبله والذي يدل على ذلك مع ما مضى ما۔۔۔۔الخ السنن الکبریٰ،دارالکتب العلمیۃ،بیروت،الطبعۃ الثالثہ،1424ھ،رقم الحدیث:15086۔ جواب نمبر5:امام نسائیؒ نے بھی حضرت ابن عباس رضی اللہ عنہ کی اس روایت کوغیرمدخول بہا سے متعلق بتایا ہے،چنانچہ انہوں نے سنن نسائی میں اس پر "باب طلاق الثلاث المتفرقة قبل الدخول بالزوجة"ترجمۃ الباب باندھا ہے۔ جواب نمبر6:حضرت ابن عباس رضی اللہ عنہ کی یہی مذکورہ روایت امام ابوداؤد نے بھی نقل کی ہے جس میں غیرمدخول بہا کی صراحت موجود ہے۔روایت یوں ہے: حَدَّثَنَا مُحَمَّدُ بْنُ عَبْدِ الْمَلِكِ بْنِ مَرْوَانَ،حَدَّثَنَا أَبُو النُّعْمَانِ،حَدَّثَنَا حَمَّادُ بْنُ زَيْدٍ،عَنْ أَيُّوبَ،عَنْ غَيْرِ وَاحِدٍ، عَنْ طَاوُسٍ، أَنَّ رَجُلًا، يُقَالُ لَهُ: أَبُو الصَّهْبَاءِ كَانَ كَثِيرَ السُّؤَالِ لِابْنِ عَبَّاسٍ، قَالَ: أَمَا عَلِمْتَ أَنَّ الرَّجُلَ كَانَ إِذَا طَلَّقَ امْرَأَتَهُ ثَلَاثًا قَبْلَ أَنْ يَدْخُلَ بِهَا، جَعَلُوهَا وَاحِدَةً عَلَى عَهْدِ رَسُولِ اللَّهِ صَلَّى اللهُ عَلَيْهِ وَسَلَّمَ، وَأَبِي بَكْرٍ،وَصَدْرًا مِنْ إِمَارَةِ عُمَرَ؟قَالَ ابْنُ عَبَّاسٍ: بَلَى،" كَانَ الرَّجُلُ إِذَا طَلَّقَ امْرَأَتَهُ ثَلَاثًا قَبْلَ أَنْ يَدْخُلَ بِهَا،جَعَلُوهَا وَاحِدَةً عَلَى عَهْدِ رَسُولِ اللَّهِ صَلَّى اللهُ عَلَيْهِ وَسَلَّمَ، وَأَبِي بَكْرٍ، وَصَدْرًا مِنْ إِمَارَةِ عُمَرَ، فَلَمَّا رَأَى النَّاسَ قَدْ تَتَابَعُوا فِيهَا، قَالَ: أَجِيزُوهُنَّ عَلَيْهِمْ "۔ سنن ابی داؤد،المکتبہ العصریہ،بیروت،رقم الحدیث:2199۔ اس روایت کے پہلے راوی محمد بن عبدالملک بن مروان کو امام ابوحاتم ؒ نے صدوق اورابن حبانؒ اور دارقطنیؒ نے ثقہ کہا ہے۔ دوسرے راوی ابوالنعمان محمدبن فضل السدوسیؒ ہیں جن کو علامہ الذھبیؒ نے الحافظ اورالثبت کہا ہے۔تیسرے راوی حماد بن زید ؒ کو علامہ الذھبیؒ الامام،الحافظ اورشیخ الاسلام لکھتے ہیں۔چوتھے راوی ایوب سختیانی ؒ ہیں جن کو علامہ الذھبیؒ نے الامام ،الحافظ اور احدالاعلام کہا ہے۔پانچویں جگہ "عن غیرواحد"کالفظ ہے مگر اس سے مراد ابراہیم بن میسرہ ؒ ہیں کیونکہ امام مسلم ؒ نے اسی سند کے ساتھ اس روایت کی تخریج کی ہے جس میں ابراہیم بن میسرہ ؒ کی صراحت موجود ہے،مسلم کی روایت یوں ہے: وحَدَّثَنَا إِسْحَاقُ بْنُ إِبْرَاهِيمَ، أَخْبَرَنَا سُلَيْمَانُ بْنُ حَرْبٍ، عَنْ حَمَّادِ بْنِ زَيْدٍ، عَنْ أَيُّوبَ السَّخْتِيَانِيِّ، عَنْ إِبْرَاهِيمَ بْنِ مَيْسَرَةَ، عَنْ طَاوُسٍ، أَنَّ أَبَا الصَّهْبَاءِ، قَالَ لِابْنِ عَبَّاسٍ: هَاتِ مِنْ هَنَاتِكَ،أَلَمْ يَكُنِ الطَّلَاقُ الثَّلَاثُ عَلَى عَهْدِ رَسُولِ اللهِ صَلَّى اللهُ عَلَيْهِ وَسَلَّمَ، وَأَبِي بَكْرٍ وَاحِدَةً؟ فَقَالَ:قَدْ كَانَ ذَلِكَ، فَلَمَّا كَانَ فِي عَهْدِ عُمَرَ تَتَايَعَ النَّاسُ فِي الطَّلَاقِ، فَأَجَازَهُ عَلَيْهِمْ۔ صحیح مسلم،داراحیاء التراث العربی،بیروت،رقم الحدیث:1472۔ اورابراہیم بن میسرہ ؒ کو امام سفیانؒ نے اوثق الناس واصدقھم،ابن سعدؒ نے ثقہ اورکثیرالحدیث،امام احمدؒ،امام نسائیؒ،امام عجلیؒ اور امام یحییٰؒ نے ثقہ اورابوحاتمؒ نے صالح کہا ہے۔لہٰذا معلوم ہوا کہ ابوداؤد کے تمام راوی قابل احتجاج ہیں ،اوریہی وجہ ہے کہ حافظ ابن القیمؒ نے "زادالمعاد"میں اس روایت کوصحیح کہا ہے۔فرماتے ہیں: إحداهما: ما رواه أبو داود بإسناد صحيح،عن طاووس، أن رجلا يقال له: أبو الصهباء كان كثير السؤال لابن عباس، قال له: أما علمت أن الرجل كان إذا طلق امرأته ثلاثا قبل أن يدخل بها جعلوها واحدة على عهد رسول الله صلى الله عليه وسلم وأبي بكر وصدرا من إمارة عمر؟ فلما رأى عمر الناس قد تتايعوا فيها، قال: أجيزوهن عليهم۔۔۔الخ زادالمعاد،مؤسسۃ الرسالۃ،بیروت،الطبعۃ السابعۃ والعشرون،1415ھ،ج:5،ص:230۔ اشکال نمبر2: حضرت رکانہ رضی اللہ عنہ نے اپنی بیوی کو طلاق دی تھی۔جناب نبی کریم صلی اللہ علیہ وسلم نے ان سے فرمایا کہ اے رکانہ!تم رجوع کرلو۔حضرت رکانہ رضی اللہ عنہ نے عرض کیا کہ اے اللہ کے رسول صلی اللہ علیہ وسلم!میں نےتو تین طلاقیں دی ہیں۔نبی کریم صلی اللہ علیہ وسلم نے فرمایا کہ میں جانتا ہوں،تم رجوع کرلو۔روایت یوں ہے: حَدَّثَنَا أَحْمَدُ بْنُ صَالِحٍ، حَدَّثَنَا عَبْدُ الرَّزَّاقِ، أَخْبَرَنَا ابْنُ جُرَيْجٍ، أَخْبَرَنِي بَعْضُ بَنِي أَبِي رَافِعٍ، مَوْلَى النَّبِيِّ صَلَّى اللهُ عَلَيْهِ وَسَلَّمَ، عَنْ عِكْرِمَةَ مَوْلَى ابْنِ عَبَّاسٍ، عَنْ ابْنِ عَبَّاسٍ قَالَ: طَلَّقَ عَبْدُ يَزِيدَ أَبُو رُكَانَةَ، وَإِخْوَتِهِ أُمَّ رُكَانَةَ، وَنَكَحَ امْرَأَةً مِنْ مُزَيْنَةَ، فَجَاءَتِ النَّبِيَّ صَلَّى اللهُ عَلَيْهِ وَسَلَّمَ، فَقَالَتْ: مَا يُغْنِي عَنِّي إِلَّا كَمَا تُغْنِي هَذِهِ الشَّعْرَةُ، لِشَعْرَةٍ أَخَذَتْهَا مِنْ رَأْسِهَا، فَفَرِّقْ بَيْنِي وَبَيْنَهُ، فَأَخَذَتِ النَّبِيَّ صَلَّى اللهُ عَلَيْهِ وَسَلَّمَ حَمِيَّةٌ، فَدَعَا بِرُكَانَةَ، وَإِخْوَتِهِ، ثُمَّ قَالَ لَجُلَسَائِهِ:أَتَرَوْنَ فُلَانًا يُشْبِهُ مِنْهُ كَذَا وَكَذَا؟، مِنْ عَبْدِ يَزِيدَ، وَفُلَانًا يُشْبِهُ مِنْهُ كَذَا وَكَذَا؟قَالُوا: نَعَمْ، قَالَ النَّبِيُّ صَلَّى اللهُ عَلَيْهِ وَسَلَّمَ لِعَبْدِ يَزِيدَ:طَلِّقْهَا فَفَعَلَ، ثُمَّ قَالَ:رَاجِعِ امْرَأَتَكَ أُمَّ رُكَانَةَ وَإِخْوَتِهِ؟قَالَ: إِنِّي طَلَّقْتُهَا ثَلَاثًا يَا رَسُولَ اللَّهِ، قَالَ:قَدْ عَلِمْتُ رَاجِعْهَاوَتَلَا: {يَا أَيُّهَا النَّبِيُّ إِذَا طَلَّقْتُمُ النِّسَاءَ فَطَلِّقُوهُنَّ لِعِدَّتِهِنَّ}۔سنن ابی داؤد،مکتبہ العصریہ،بیروت،رقم الحدیث:2196۔ جواب نمبر1:اس روایت کی سند میں "بنی ابی رافع"نام کاایک راوی ہے جوکہ مجہول ہے۔امام نوویؒ نے بھی شرح مسلم میں اسی راوی کی جہالت کی وجہ سے اس روایت پرضعف کاحکم لگایا ہے۔فرماتے ہیں: وأما الرواية التي رواها المخالفون أن ركانة طلق ثلاثا فجعلها واحدة فرواية ضعيفة عن قوم مجهولين وإنما الصحيح منها ما قدمناه أنه طلقها ألبتة۔۔۔الخ شرح نووی(المنہاج)،داراحیاء التراث العربی،بیروت،الطبعۃ الثانیہ،1392ھ،ج:10،ص:70۔ علامہ ابن حزمؒ فرماتے ہیں کہ بعض بنی ابی رافع مجہول ہے اورمجہول سند سے حجت قائم نہیں ہوسکتی۔فرماتے ہیں: قَالَ أَبُو مُحَمَّدٍ: مَا نَعْلَمُ لَهُمْ شَيْئًا احْتَجُّوا بِهِ غَيْرَ هَذَا، وَهَذَا لَا يَصِحُّ، لِأَنَّهُ عَنْ غَيْرِ مُسَمًّى مِنْ بَنِي أَبِي رَافِعٍ وَلَا حُجَّةَ فِي مَجْهُولٍ، وَمَا نَعْلَمُ فِي بَنِي أَبِي رَافِعٍ مِنْ يُحْتَجُّ بِهِ إلَّا عُبَيْدُ اللَّهِ وَحْدَهُ وَسَائِرُهُمْ مَجْهُولُونَ. المحلیٰ بالآثار،دارالفکر،بیروت،ج:،ص:391۔ مذکورہ عبارت کے علاوہ مستدرک میں بھی بنی ابی رافع کی تعیین عبیداللہ کے ساتھ کی گئی ہے لیکن وہ بھی نہایت ہی کمزور اور ضعیف راوی ہے۔حضرت امام بخاریؒ نے اس کو منکرالحدیث،امام ابن معینؒ نے لیس بشئی،امام ابوحاتمؒ نے ضعیف الحدیث ، منکرالحدیث جداً،امام دارقطنیؒ نے متروک اورابن عدیؒ نے شیعہ کہا ہے۔ جواب نمبر2:صحیح روایات کے مطابق حضرت رکانہ رضی اللہ عنہ نے اپنی بیوی کو "طلاق بتہ"دی تھی۔اوربقول امام نوویؒ کے بعض روات نے"بتہ" کو تین سمجھ کرروایت بالمعنی کے طور پر"ثلاثا" کہنا شروع کردیا اوریہ ان کی غلطی ہے۔فرماتے ہیں: وإنما الصحيح منها ما قدمناه أنه طلقها ألبتة ولفظ ألبتة محتمل للواحدة وللثلاث ولعل صاحب هذه الرواية الضعيفة اعتقد أن لفظ ألبتة يقتضي الثلاث فرواه بالمعنى الذي فهمه وغلط في ذلك۔۔۔۔الخ شرح نووی(المنہاج)،داراحیاء التراث العربی،بیروت،الطبعۃ الثانیہ،1392ھ،ج:10،ص:70۔ اشکال نمبر3: مسنداحمدکی ایک روایت ہے جس میں حضرت رکانہ رضی اللہ عنہ کا واقعہ حضرت ابن عباس رضی اللہ عنہ نے نہایت صراحت سے بیان کیا ہے ۔روایت یہ ہے: حَدَّثَنَا سَعْدُ بْنُ إِبْرَاهِيمَ، حَدَّثَنَا أَبِي، عَنْ مُحَمَّدِ بْنِ إِسْحَاقَ،حَدَّثَنِي دَاوُدُ بْنُ الْحُصَيْنِ، عَنْ عِكْرِمَةَ، مَوْلَى ابْنِ عَبَّاسٍ، عَنِ ابْنِ عَبَّاسٍ، قَالَ: طَلَّقَ رُكَانَةُ بْنُ عَبْدِ يَزِيدَ أَخُو بَنِي الْمُطَّلِبِ امْرَأَتَهُ ثَلَاثًا فِي مَجْلِسٍ وَاحِدٍ، فَحَزِنَ عَلَيْهَا حُزْنًا شَدِيدًا، قَالَ: فَسَأَلَهُ رَسُولُ اللَّهِ صَلَّى اللهُ عَلَيْهِ وَسَلَّمَ:كَيْفَ طَلَّقْتَهَا؟قَالَ: طَلَّقْتُهَا ثَلَاثًا، قَالَ: فَقَالَ:فِي مَجْلِسٍ وَاحِدٍ؟قَالَ: نَعَمْ قَالَ:فَإِنَّمَا تِلْكَ وَاحِدَةٌ فَأَرْجِعْهَا إِنْ شِئْتَ قَالَ: فَرَجَعَهَا فَكَانَ ابْنُ عَبَّاسٍ:يَرَى أَنَّمَا الطَّلَاقُ عِنْدَ كُلِّ طُهْرٍ۔ مسندامام احمد،مؤسسۃ الرسالۃ،بیروت،الطبعۃ الاولیٰ،۱۴۲۱ھ،رقم الحدیث:2387۔ جواب:اس روایت کی سند میں محمدبن اسحاق ہے ،امام نسائی فرماتے ہیں کہ وہ قوی نہیں،امام ابوحاتم ؒ نے ان کوضعیف کہا ہے۔ امام دارقطنیؒ فرماتے ہیں کہ قابل احتجاج نہیں۔محدث سلیمان تیمیؒ ،امام یحییٰ بن سعید ؒاورہشام بن عروہ ؒ نے ان کوکذاب کہا ہے امام مالکؒ نے ان کو دجال کہا ہے۔علامہ الذھبیؒ فرماتے ہیں کہ حلال وحرام کے معاملات میں ان سے احتجاج درست نہیں۔ حافظ ابن حجرعسقلانیؒ فرماتے ہیں کہ جب یہ متفرد ہوں تواحکام میں ان سے احتجاج نہیں کیا جا سکتا۔خود نواب صدیق حسن خان صاحب نے "دلیل المطالب" میں کہا ہے کہ یہ قابل احتجاج نہیں۔بدایۃ المجتہد میں ابن رشد فرماتے ہیں کہ محمدبن اسحاق کی یہ روایت وہم پرمبنی ہے۔ اسی طرح اس سند میں ایک دوسرا راوی داؤد بن الحصین ہے ۔امام ابوزرعہ ؒ فرماتے ہیں کہ یہ ضعیف ہے۔سفیان بن عیینہؒ فرماتے ہیں کہ ہم ان سے حدیث نہیں لیا کرتے تھے۔ابوحاتم ؒ نے ان کو لیس بالقوی اور امام ساجیؒ نے منکرالحدیث کہا ہے۔امام علی بن المدینیؒ اورامام ابوداؤدؒ دونوں فرماتے ہیں کہ حضرت عکرمہ ؒ سے داؤد بن الحصین کی روایات منکر ہوتی ہیں اور یہاں بھی وہ حضرت عکرمہؒ سے ہی روایت کرتے ہیں۔حافظ ابن حجر فرماتے ہیں کہ "ثقۃ الافی عکرمہ"علاوہ ازیں علامہ الذھبیؒ نے بھی اس روایت کو منکر شمار کیا ہے۔ مزید طوالت کےخوف سے ہم اسی پر اکتفاکرتے ہیں ۔ اس موضوع بہت زیادہ موادموجود ہے اورقدیم وجدیدتمام شروحات حدیث،کتب تخریج اورفتاویٰ جات میں کثیرتعدادمیں طرفین کے دلائل اورجوابات موجود ہیں جواہل علم کے دسترس سے باہر نہیں۔واللہ اعلم بالصواب مفتی ساجدخان اتلوی مسئول دارالافتاء جامعہ امام محمدبن الحسن الشیبانی محلہ سلیمان خیل (جبر)ٹوپی صوابی